بودعك

قبل نتفارق سطرت لك يميني...آخر رسالة حب اودعك فيها

هذا قدرنا في الهوى صدقيني....الايام ماتمشي على مانبيها
ودعتك اللهوان قسيت اعذريني...وعيوبي اللي تعرفين استريها
وان كان عذبتك معي سامحيني...وانسي ذنوبي الأوله واغفريها
ودعتك الله واذا رحلت اذكريني...وايامك الحلوه معاي اذكريها
ابذكر انك كنتي احلى سنيني..وابيات شعري عن هواك احفظيها






الف مـره قلـت لـك لاتسألينـي



وش يسوي بي فراقك لـو ثوانـي






قلت لك : لاجيت اودعك احضنيني



واتسمر باقـي العمـر ف مكانـي






وان شعرتي بي شتاءفض انقلينـي


من يديـن البـرد ليديـن الامانـي






وان لمحتي لهفة العشـق بحنينـي



وقفـي كنـك تعديـن المحـانـي






وافتحـي ايدينـك بحـب وقبلينـي


ثم شوفـي كيـف يتشظـى كيانـي





قولـي أتنفـس هـواك وطوقينـي


كن يدينـك مـدى طـوق جنانـي





ان تنفستـي حسبـتـك تمنحيـنـي


جنح عصفور و فراشات و اغانـي






وان ضحكتي قمت اوكي راحتينـي


للمطر وانثـال مبسمـك وخذانـي




وان همست: اهواك..طارت شفتيني


بالكلام العذب وازهر لـك لسانـي






و ان لمستك قمت اقبل لـك يدينـي


كنها من طهـرك الركـن اليمانـي




فسري لي كيـف تصبـح منكبينـي


سحب واستمطر غنجك الى اعتراني






وكيف أحس الكون بـس تعانقينـي


دار دار وسلـم الدهشـة عنانـي





فسري لـي كيـف يـوم تفارقينـي


مااعرف اية شي غير اني اعانـي





كيف تصبح غصتي دمعـةبعينـي


واخذ الوحشـة واجلسهـا مكانـي





وكيف لاجيـت لعيونـك تحملينـي


مركب يسافر يـدور بـك موانـي





ضمـي القلـب بيدينـك تشعرينـي


نبض قلبي حب...وانفاسـي غنانـي





صار كنه طفل اخذني مـن يمينـي


وذاب في حضنك ولهفتك ونسانـي





خدرتـه بدفـاك معناهـا ابعدينـي


عن ردى حظي وعن قسوة زمانـي





وضحكته تعنـي تعالـي حسسينـي


ان مافي الكون غيري شخص ثاني






لو عرفتي في ارتعاشـه تلمحينـي


كان تقرين الكـلام اللـي عصانـي





حبك ...أكثر من نفس بينـك وبينـي


جـا يدورنـي بدونـك مالقـانـي




حبك...الاحساس...والانفـاس فينـي


اشتعالاتي ...قلـق روحي...حنانـي





ولاتجينـي بعـد هـذا تسأليـنـي


وش يسوي بي فراقك لـو ثوانـي