ومين يصبرني انا علي حنونتي .......؟

قلبى ليه بتضحك وانت حزين ؟

يا عيونى ليه بسمتك حاسسها أنين ..

الدمع فيها حاير.. يستخبى فين ؟

يا ناس مش كل الضحكة الحلوة ..

تبقى برنين ..

أوقات الضحك يبقى أمر م البكاء

والدمعة م الفرح تسيل ع الخدين ..

أما أنا .. شايل همى بين ضلوعى .. وصابر

ماشى بقلبى .. ينزف دم يروى جناين

والعقل م الفكر حاير ..

كل ما يهرب من همه

يلاقى الحجر عليه .. داير



ويصبر ف نفسه .. لما عمل م الصبر ضفاير

يا ترى يا دنيا فيكى أمل ؟

ولا أنا بالوهم متغمى ؟

شايل هموم الناس ..

وأنا مين يشيل همى ؟

داويت كتير فى جروح ..

و أنا مين يداوى جرحى ؟

يا ما صبرت قلوب ..

و أنا مين يصبرنى .. ؟


ابكى على الى راح

ولا ابكى على الى جاى

ويامين يصبرنى على الزمن يا خى

يا مين يصبرنى على الزمان يا خى

ياما فى الدنيا ناس مرتاحه

وناس على المر سواحه

وانا الى تايه بين الناس

مش عارف اشكى لمين

ولاحد ليه يسمعنى

ارحل منين ولفين مين يرجعنى

يا ما ناس فى الدنيا مرتاحه

وناس على المر سواحه

وانا الى تايه بين الناس

مش عارف اشكى لمين

ولاحد حد بيسمعنى

هرحل لمين ولفين ومين يرجعنى

بنطلب من الزمن يروينا

وكاس المر يسقينا

وهنرضى بالمقسوم

مهما كان قاسى

ابكى على الى راح

ولا ابكى الى جاى

يا مين يصبرنى على الزمان